AMAGOIA GURRUTXAGA
HITZALDIA: ESKELAK, ESKOLAK, OSKOLAK
«Zu non zinen 1936ko uztailaren 17-18an?».
Galdera bat besterik ez da, baina hamaika erantzun jaso ditzake, eta hamarkadetako mututasuna zartatzen lagundu.
Jazarpen makina iraunkor batez erditu zen estatu kolpearen aurrekariak ulertzeko.
Zibiletik ezer izan ez zuen 36ko gerraren arrazoiak azaltzeko.
Oinordetzan ahoa bete isiltasun, atoia bete egia erdi eta trauma oso utzi dizkigun zauri kolektiboko pasmoa behingoz garbitzeko.
«Zuk zer eskela, eskola, oskol dituzu uztailaren 17-18 honetan?».
Galdera bat besterik ez da, baina hamaika erantzun jaso ditzake, zeurea barne, eta garaileen dotrina zaharberritua indargabetu.
Amagoia Gurrutxaga Uranga (Matxinbenta, 1971), kazetari, idazle, feminista eta kulturgile euskalduna da, Matxinbentan (Azpeitia) jaioa eta Zarautzen kokatua.
Euskal prentsan lanean jardun du 1991tik, Argian lehenik, Euskaldunon Egunkarian eta Berrian gero. Lanartea Euskararen Langile Profesionalen Elkartearen koordinatzaile lanetan ari da 2021etik.
Hainbat libururen egilea da Amagoia Gurrutxaga:
- Zarauzko postalak. 36ko gerra (Zarauzko Udala, 2013)
- Zarauzko gutunak. 36ko gerra (Zarauzko Udala, 2017).
- Iturbide, igitai jolea (Euskal Herriko Trikitixa Elkartea, 2017)
- Enarak (Oñatiko Udala, 2019).